Ondare jasangarria

1 - Produktu jasangarriaren estrategia: ekonomia zirkularra

Diseinu jasangarria: gure produktuak eta prozesuak hasieratik jasangarriak izan daitezen diseinatzen ditugu, ingurumen kudeaketako ISO 14001 ziurtagiria izanda.

Jasangarritasuna bizi zikloan: gure produktuak beren bizi ziklo osoan jasangarriak izatea bilatzen dugu. Horretarako, gure produktuen bizi zikloaren analisia egiten dugu eta haien bizitza baliagarria luzatzeko, produktuak arintzeko, eta produktuak berrerabiltzeko eta birziklatzeko lan egiten dugu eta berritzen dugu.

• Soluzio sendoak eta iraunkorrak: gure produktuen bizitza erabilgarria luzatzen dugu eta haien erabilera intentsitatea handitzen dugu prozesu logistikoen, garbiketaren, konponketaren eta birmanufakturaren bidez.
• “Zero hondakina”: gure instalazioetan sortutako hondakina ahalik eta gehien murrizteko lan egiten dugu, eta “Zero Hondakina” ziurtagiriaren bidez ziurtatzen dugu Fabrikan eta gure biltegi arautzaile nagusian sortutako hondakinetatik gutxienez %90 balorizatzen dugula.

Jasangarritasuna gure hornidura katean:

• Gure hornitzaile gehienak bertakoak dira.
• Egur jasangarria: egurrezko taula eta habeen zaintza kateko ziurtagiriak ditugu: FSC eta PEFC.
• Karbonoa Mugan Doitzeko Mekanismora egokitzen gara, berotegi efektuko gasen emisio inplizituen berri emanez.

Gure bezeroak jasangarriagoak izan daitezen laguntzea: gure soluzioen bidez gure bezeroek ingurumen jasangarritasunaren arloan dituzten beharretara egokitzen gara, eta arlo horretako hainbat eskakizuni erantzuten laguntzen diegu:

• ULMAren soluzioak Green Building Councileko Eraikuntza Materialen Plataforman sartu ditugu, gure bezeroei beren proiektuetan Eraikuntza Jasangarriaren Ziurtagiriak lortzen laguntzeko, esaterako, BREEAM eta LEED ziurtagiriak.
• Gure bezeroen proiektuetan baliabideak optimizatzea bilatzen dugu BIM modelaketarekin (Eraikinen Informazioaren Modelaketa).
• Erosketa Publiko Berdearen eskakizunak eta beste lege betekizun batzuk betetzen laguntzen dugu.

2 - Deskarbonizazio estrategia: 2050ean neutraltasuna lortzeko konpromisoa hartzen dugu

Karbono aztarnaren kalkulua: klima helburuetan eraginkortasunez lagundu ahal izateko, nondik abiatzen garen jakin behar dugu.

Horregatik, 1, 2 eta 3 irismeneko karbono aztarnaren kalkulua egin dugu Espainian dauden gure instalazio guztietarako, eta 1 eta 2 irismenekoarena munduko gainerako herrialdeetan daudenetarako. ISO 14064-3 arauaren arabera ziurtatu dugu Espainian dugun karbono aztarnaren kalkulua, eta gainerako herrialdeetan 3 irismeneko aztarna kalkulatzeko prozesuari ekin diogu.

Emisioak murrizteko proiektuak: gure jardueraren ondoriozko emisioak murriztea bilatzen dugu, hainbat proiektu eta ekintzaren bidez, esaterako hauek:

• Argiztapen sistemak aldatzea eta LED argiak jartzea, kontsumo elektrikoa murrizteko
• Errekuntza prozesuen ordez elektrizitatea erabiltzea
• Sistema fotovoltaikoak instalatzea, energia berriztagarria sortzen laguntzeko
• Prozesu industrialetako hondar energia aprobetxatzeko sistemak instalatzea
• Errekuntzako ibilgailuen ordez elektrikoak edo hibridoak erabiltzea
• Jatorri berriztagarriko energia erostea

A. Gardentasuna eta kontuak ematea: Jasangarritasunari buruzko Informazioaren Europako Arau berrietara egokitzeko lanean ari gara, gardentasunaren alde egiten jarraitzeko.

B. Estandar etiko gorenekin bat datorren portaera:

• Compliance sistema: compliance sistema bat dugu, aldizka arriskuak identifikatu eta legaltasuna betetzen dugula bermatzeko.
• Kode etikoa: gure kode etikoak ULMA Eraikuntzako pertsona guztien portaera arautzen du, eta enpresa etikako estandar gorenek gidatuta jokatzen dutela ziurtatzen du.
• Informaziorako Barne Kanala: Informaziorako Barne Kanal bat dugu, informatzailea babesteko berme guztiekin.

C. Jasangarritasuna hornidura katean: gure hornidura katean jasangarritasunaren arloko printzipioak eta jardunbide onak transmititzeko eta ziurtatzeko lan egiten dugu. Horretarako, hornitzaileentzako Etika eta Jokabide Kode bat dugu.