Peruko merkataritza gunerik handienetakoa den Puruchucoko Real Plaza Merkataritza Gunearen eraikuntzan parte hartu du ULMAk
Guztira, 2.000 tonatik gora enkofratu eta aldamio erabili dira, eta nabarmentzekoak izan dira horma eta zutabeak egiteko erabili den COMAIN enkofratu modular arina eta NEVI enkofratua. Lauzetan, berriz, ENKOFLEX egurrezko habedun enkofratua erabili da, ageriko hormigoizko akabera bikainak eskaintzen duelako eta lauza azalera desberdinetara egokitzeko oso malgua delako.
Egitura horizontalak zurkaizteko sistema gisa, BRIO Zinbria, ALUPROP aluminiozko puntalak eta OC Zinbria jarri zituen ULMAk. BRIO norabide anitzeko aldamioa langileak obrako gune guztietara iristeko erabili zen, eta gune seguruak prestatu ziren bertan hainbat lan egiteko, hala nola, burdineria jartzeko, hormigoitzeko, desenkofratzeko edo materiala pilatzeko, besteak beste.
ULMAko teknikari trebatzaileek aldamioak eta enkofratuak erabiltzen irakatsi zieten langile guztiei, haien ondoan egonda, obrako muntaketaren produktibitatea handitzeko, beti muntaketa seguru eta modu efizientean eginda eta gauzatze epe zorrotzak beteta.
Jendearen iritziz, txikizkako salmentaren sektoreko proiekturik anbiziotsuenetako bat da Real Plaza merkataritza gunea, eta kalkulatzen da 2 milioi bisitari ere hartuko dituela lehen urtean, Ateko distritura –bertan dago kokatuta– eta La Molina eta Santa Clarako distrituetara ere iristen baita bere eragin eremua, ingurunearen garapen ekonomiko eta sozialean eragin positiboa edukita.
Hitz batean, obra enblematikoa da ULMArako; izan ere, 18 urte dira ULMA Perun dagoela, eta denbora tarte horretan herrialdean zabaldu eta eraiki diren merkataritza gune gehienen proiektuetan parte hartu du, stockaren eta soluzio teknikoen ikuspuntutik erantzuna emateko gaitasun handia erakutsita. ULMAren ingeniaritza arloak 4.000 ordu baino gehiago inbertitu zituen proiektua garatzeko, aldamio eta enkofratuen soluzio errentagarriak eta seguruak eskaintzeko gaitasun teknikoa baduela erakutsita.
Informazio gehiagorako, ikusi bideoa.
